DIMSUM MAKING

The Livelihood and Cooperative Development Office (LCDO) recently conducted a “Dimsum Making” seminar at the East Tapinac Barangay Hall. Thirty (30) participants were successfully completed in this two-day seminar.

The trainors of LCDO, Linda Generao, Evelyn Booc and Jocelyn Moratin showed the participants from East Tapinac and various places of Olongapo the different ways and techniques of making Dimsum.

Siomai, puto pie, and kikiam were some of the dimsum that the participants learned to make.

The said training in East Tapinac was just one of the many trainings that will be conducted by LCDO in line with the programs of Mayor Gordon to boost the livelihood of Olongapeños.

Mayor James “Bong” Gordon Jr. with participants in “Dimsum Making” seminar at the East Tapinac Barangay Hall conducted by the Livelihood and Cooperative Development Office.

Livelihood Business Opportunity Seminar

Nagsagawa ng Livelihood Business Opportunity Seminar ang Livelihood and Cooperative Development Office (LCDO) nitong ika-13 ng Pebrero 2008 sa Conference Room ng Olongapo City Hall.

Sa inisyatibo ni City Mayor James “Bong” Gordon, Jr., ang naganap na business opportunity seminar ay nagbigay-daan para sa mga Olongapeño na magkaroon ng kaalaman hinggil sa ipinakikilalang bagong negosyong pangkabuhayan.

Sa pakikipag-ugnayan sa dL Natural Healthcare and Beauty Products, pinangunahan ni LCDO Officer Aileen Cuevas–Sanchez ang naturang seminar na dinaluhan ng mga Barangay Livelihood Officers mula sa iba’t ibang barangay ng lungsod.

Ipinakilala sa seminar ang networking business opportunity na hatid ng dL Natural Healthcare and Beauty Products kung saan ay tampok na produkto ang mga essential oils na malimit ginagamit na pang-aromatheraphy. Sa pamamagitan ng pagiging ‘dL distributor’ ay maaari nang makapagsimula ng maliit na negosyo ang mga interesadong entrepreneurs.


Maaaring makipag-uganayan sa LCDO para sa mga nagnanais maging dL distributors o kaya ay sa mismong tanggapan ng dL Natural Healthcare and Beauty Products. Tumawag lamang sa telepono bilang 047-232-4139/0921-615-2134/0915-646-4556 o mag-email sa dlnatural@yahoo.com.

Matatandaang ang pagbibigay ng livelihood opportunities para sa mga Olongapeño ay isa sa mga pangunahing isinusulong ng administrasyon ni Mayor Bong Gordon. Sa pamamagitan ng LCDO, patuloy ang mga livelihood programs ng lungsod tulad ng pagbibigay ng katulad na mga business opportunity seminars, libreng livelihood trainings at Marketing Assistance sa pamamagitan ng ‘Gawang Gapo’ na nagbibigay oportunidad sa mga Olongapeño entrepreneurs na makapagpakilala ng kani-kanilang mga produkto.

LIVELIHOOD CAPITAL ASSISTANCE BUHAT KAY MAYOR GORDON

Naging maaga ang pasko ng dalawamput-isang (21) Olongapeñong tumanggap ng ‘’Livelihood Financial Assistance’’ buhat sa Pamahalaang Lokal ng lungsod sa pangunguna ni City Mayor James ‘’Bong’’ Gordon, Jr.

Personal na ini-abot ni Mayor Bong Gordon ang mga sobreng naglalaman ng tulong pang-kabuhayan bilang pag-alalay sa mga masigasig na residente ng lungsod na nais magkaroon ng sariling maliit na negosyo o livelihood.

‘’Ang aking mga magulang ay parehong negosyente bago pa sila pumasok sa pulitika. Kaya pareho nilang nakita ang benipisyo ng pagnenegosyo,’’ wika ni Mayor Gordon.

‘’Magsimula kayo sa maliit na negosyo at samahan ng maraming sipag, tiyaga at panalangin at sigurado ako sa ating muling pagkikita ang inyong nasimulan ay doble na ang kita,’’ dagdag pa ng punong-lungsod.

Ang mga tumanggap ng financial assistance nitong ika-27 ng Nobyembre 2007 sa Lobby ng City Hall ay tugon sa dagsang liham na natatanggap ng Mayor’s Office at ng Livelihood Cooperative Development Office (LCDO) na humuhiling ng pang-unang puhunan o kaya’y karagdagang puhunan sa kanilang nang nasimulan na livelihood.

Ang perang binigay ay pautang lamang o loan na ipinapahiram at kailangang maibalik sa loob ng sampung (10) buwan, nang walang interes at ipinapa-ikot din lamang ng Pamahalaang Lokal upang mas marami ang makinabang.

Samut-saring negosyo ang sisimulan ng mga benipisaryo kabilang na ang sari-sari store, lutong-ulam, pag-aalaga ng hayop, e-load business at marami pang ibang pagkakakitaan.

City Gov’t Taps Barangays to Brace Livelihood Projects

Hinihikayat ng Sangguniang Panlungsod ng Olongapo ang mga Barangay Council sa lungsod na magtalaga ng kaukulang budget para sa mga livelihood projects ng kani-kanilang barangay.

Sa bisa ng Resolution No. 121 Series of 2007 na ipinanukala ni Kgd. Elena Dabu, inatasan ng City Council ang mga barangay sa Olongapo City na paglaanan ng sapat na pondo ang mga programang pangkabuhayan.

Nilalayon ng naturang resolusyon na paigtingin pang lalo ang adhikain ng City Government sa pamumuno ni City Mayor James ‘’Bong’’ Gordon, Jr. na mabigyan ng oportunidad sa livelihood development ang mamamayang Olongapeño.

Kakawing ng mga pagsisikap ng Olongapo City Government na maarmasan ang mga Olongapeño ng livelihood skills at entrepreneurial spirit, ang Resolution No. 121 ay binalangkas upang tumbasan ng mga Barangay ang naisin ng lokal na pamahalaan na maiangat ang antas ng kabuhayan ng mamamayang Olongapeño.

Naniniwala ang City Government na makakatulong ito upang higit na maiangat ang economic condition ng mga “financially marginalized”.

Samantala, sa pamamagitan naman ng Ordinance No. 50, Series of 2005, itinatag ng lokal na pamahalaan ang City Livelihood and Cooperative Office na siya namang bubuo sa Olongapo Cooperative Development Council na higit pang tutulong sa kasalukuyang administrasyon na maabot ng mga programang pangkabuhayan sa barangay level.